Loading...

Wednesday

Rider na nagpakilalang pulis na nanakit ng traffic enforcer, police clearance lang pala ang hawak

                                      

         Isa na namang motorista ang nagwala at nanakit sa kalsada. Sa pagkakataon na ito ay isa namang rider ng motor ang nanuntok ng MMDA traffic enforcer.

       Sa ulat ng 24 Oras, isang nagngangalang Ryan Christopher Bautista, 25-anyos ang nakabangga ng SUV sa may Balintawak. Nang rumesponde na ang MMDA traffic enforcer na si Jinggoy Oli ay bigla itong nagwala.

       Makikita sa video na ipinadala ni Oli na galit na galit si Ryan at napagbalingan ng galit nito ang rumespondeng traffic enforcer. Nagpakilala diumanong pulis si Ryan at sinabihan si Oli na under lang siya nito. Nagtanong pa ito kung gusto ba nitong sampalin niya si Oli ng isang dangkal.

       Sinuntok diumano sa ulo ni Ryan si Oli.

       Pero nang hinanapan na ni Oli ng ID na nagpapatunay kung pulis nga ba talaga si Ryan ay police clearance ang ipinakita nito.

       Kinasuhan na si Ryan at kasalukuyang nakakulong sa QCPD Station 3, Quezon City. 

Panoorin ang video:
Loading...