Loading...

Monday

Piracy Talk

 
      Kapag sinabing plagarism ito ay isang uri ng krimen na may kinalaman sa pagnanakaw ng gawa ng may gawa partikular na sa mga sulatin.  Mas masahol pa ito sa panggagaya. Tandaang iba ang kinopya sa ginaya lang. At least kapag ginaya alam mo na kahawig lang ito. Hindi kagaya sa plagarism na talagang word by word. Mga nagpapanggap na gawa nila kahit hindi naman. Kaya’t kung manggagaya lang naman huwag naman sanang word by word. Tama na yung thoughts lang. Baka lumabas na maganda pa ang ginawa mo sa pinaggayahan mo. Naks, galing, no? Kunsabagay, kilala naman tayong mga Pinoy sa panggagaya at nabubuhay tayo sa bayan kung saan laganap ang pamimirata. Boss, dividi, dividi kayo r’yan!
   Talagang napakalawak ng usapin sa plagarism. Maging ang mismong ideya nga kapag ginaya mo ay puwede kang maakusahan ng pamimirita. Sa dami kasi ng tao sa mundo ay imposibleng ikaw pa lang ang unang nakaisip ng isang bagay. Pero kung obvious namang ginaya galing sa iyo aba’y dapat lang na pumalag ka. Halimbawang ginamit ang iyong isinulat na kuwento, sanaysay, etc. Ok lang sana kung may credit ka kahit di ipinagpaalam. Wala ring masama kung ang obra mo ay nagbigay daan para gumawa rin ang isang artist ng kagaya ng tema mo. Wala namang may monopolyo ng ideya at tema kung tutuusin. Dapat nga proud ka pa nun dahil mayroon kang naimpluwensiyahan. Sa lakas nga lang ng impluwensya mo ay di na lumikha ng istilo ang nanggaya sa iyo. Kung style lang naman ang pag-uusapan ay marami naman ang magkakapareho. Nasa tao na lang din ang pagtanggap.
     Puwede na ring pagpasensyahan ang mga nangongopya na hindi inilagay ang pangalan mo dahil di ka naman nagpakilala na ikaw ang gumawa ng kung anumang klase ng sining yan. Pero kahit nagpakilala ka pa kung ayaw ka namang i-recognized ng gumamit ay lalagyan niya ng Anynomous ang gawa mo. Pero ang mas masama ay inangkin ang gawa mo dahil ipinagalan sa kanya. Hmm, naranasan ko na rin yan. May nangopya ng ginawa kong tula at nilagyan pa orihinal na gawa niya raw yun. Ang kapal, hehe. At ano naman ang ginawa ko. Ayun, ipinaalam ko sa namirata na kinopya niya lang yun sa akin. Deadma lang naman ang loka. Baka gusto lang magbida sa mga kakilala. Dibaleng mangopya, ang importante ay ang makapagpasikat. Ang tipo ng tao na ganito ay mang-aagaw ng kredito. Parang lang isa sa katrabaho mo na nagpatulong sa iyo o sadyang ipinasa ang kanyang trabaho. Nang naging maganda ang kinalabasan ay ibinida sa boss n’yo na siya lang ang may gawa nu’n. Sarap sapakin, ‘no?

     Sa modernong panahon ngayon, laganap na talaga ang pamimirata. Iyan ay dahil sa internet, aba’y i-copy paste mo lang ang gawa ng iba ayos na.  Ginawa ang internet para pakinabangan ng sangkatauhan. Para maibahagi ng iba ang kanilang nalalaman samantalang ang iba ay para kumalap ng samu’t saring impormasyon. Pero sana man lang ay ilagay ang source kung saan ito kinuha. Hindi yung ipinagmamalaki na parang sa iyo nanggaling ang ginawa mong report. Aba’y napakagaling mo naman kung ganun. Mahirap bang mag-copy-paste?
Loading...