Loading...

Thursday

Tips Para Mawala ang Pagkatorpe


  Ang pagiging mahiyain na rin ng isang lalake ang dahilan kung bakit ito nagiging torpe. O di kaya'y ayaw makaranas ng rejection dahil takot masaktan. Pero karaniwan hindi malaman ng torpe ang gagawin para iparamdam ang tunay na saloobin, 'di kasi marunong manligaw. Kung isa kang torpe narito ang ilang tips para maka-move ka na!

- Dahil sa ang sarili mo ang iyong ibinebenta kinakailangang maging malinis sa pangangatawan at maging mabango. Siyempre, magbihis ng maayos and'yan man o wala ang nililigawan. Sino ba naman ang may gusto sa taong maruming tingnan o dugyutin?Baka sa unang sabak mo palang turn off agad sa iyo ang girl.

-Mahalagang kilalanin mo ang iyong nililigawan para malaman mo ang kanyang ugali. Nang sa gayun ay madali na para sa iyo ang mag-adjust. Alamin din kung anu-ano ba ang mga bagay na magpapasaya sa kanya. Kung ano ba ang hilig niyang gawin, kainin, etc. Kung hilig niyang kumain ng tsokolate eh 'di bumili ka saka mo ibalot sa magandang lalagyan with matching sweet messages para kiligin ang nililigawan. Huwag basta-bastang magbibigay ng bulaklak, may mga girl kasi na ayaw nila ng bulaklak dahil nababaduyan sila.

-Maging mabait hindi lamang sa nililigawan pati na rin sa mga taong nakapalibot sa kanya lalo na sa kanyang pamilya. Importanteng makisama para magustuhan ka rin nila. Kapag nakuha mo kasi ang suporta nila sila pa ang magsusulsol sa girl na bigyan ka ng chance.

-Huwag kalilimutang maging gentlemen, 'yun bang lagi kang nakaalalay sa kanya. Tulungan mo siyang magdala ng mga gamit niya, papayungan kapag umuulan, etc. Kumbaga ilagay mo siya sa pedestal para maramdaman niyang siya ang pinakamalagang girl para sa iyo.

- Mahalaga rin ang pagkakaroon ng sense of humor para hindi siya maboring kapag kausap ka niya. Kapag palagi mo siyang napapatawa ibig sabihin magaan na ang loob niya sa iyo. Huwag matatakot na magmukhang korni, ang dapat mo lang iwasan ay 'yung makapagbiro ka ng hindi tama.

-Kapag mayroon kang mga karibal huwag masisindak, makipagsabayan ka sa kanila. Huwag ma-insecure kung mas guwapo sila sa iyo o mas angat sa buhay. Basta ipakita mo lang na mas karapat-dapat ka sa kanya. Makauungos ka sa kanila kapag mas lagi mong nakakasama ang girl. Kaya't maglaan ng maraming oras para sa kanya. Iwasang gumamit ng tulay sa panliligaw lalo na't kapag tulad mong boy baka dahil ito pa ang maging kaagaw mo sa pag-ibig.

- Ito ang huwag mong gagawqin sa panliligaw-ang maging mayabang at kuripot! Bad shot ka sa girl kapag hambog ka dapat humble ka lang. IIsipin niya kasing kayang-kaya mo siyang makuha sa tayog ng iyong mga pangungusap. 'Yun nga huwag maging kuripot, kapag magkasama kayo ng girl huwag mong hahayaan gumastos ang girl at huwag mo rin siyang gugutumin. Tandaang sa panliligaw, hindi lang laway ang puhunan kailangan mo rin ng pera. Okay?

'Yan ha siguro naman sa mga sinabi ko nagkaroon ka na ng ideya kung paano manligaw. Malalaman mo naman kung may chance ka sa girl batay sa kanyang ipinapakita. Basta ikaw do your best lang, after all siya ang magdi-decide kung sasagutin ka niya o hindi. Maging handa ka lang sa anumang resulta dahil sa larangan ng pag-ibig may nabibigo at nagtatagumpay.
Loading...