Loading...

Wednesday

Tricycle driver, pinagtulungang bugbugin ng mga sakay ng Van


         Sa panahon ngayon, tila karaniwan na lang ang away sa kalsada ng mga driver, pasahero o mapa-pedestrian man. Konting ‘di pagkakaunawaan lang ay nauuwi agad sa sakitan.

            Isa na namang road rage ang nag-viral ngayon. Nangyari ito sa palengke ng Taytay, Rizal. Ayon sa post ng Fb page na Master Henyo, nag-double parking ang tricycle driver na siyang ikinagalit ng mga nakasakay sa Toyota Hi-Ace Van at nauwi ito sa pagtatalo.

             Bigla na lang diumanong itinaob ang tricycle ng mga naka-Van na may sakay na dalawang bata saka pinagtulungang  bugbugin ang tricycle driver. Ang misis naman ng tricycle driver na nagbi-video ay tila gusto ring sapakin ng mga naka-Van.      
     
                            

            Nagsisigaw ang dalawang bata habang nakikitang binubugbog ang kanilang ama. Nagkabukol at nagka-trauma pa ang mga ito. Habang ang kanila namang ama ay isinugod sa ospital dahil sa natamong pinsala sa katawan. Nagsusuka ito ng dugo dahil sa ginawang pambubugbog ng mga nakasakay sa Van.

            Ang plate number ng Van na sinasakyan ng mga nambugbog sa tricycle driver ay #VF3584.

Panoorin ang video:

Atong Ang at Grechen Barretto, Namataang Magkasama sa Dangwa

Image Source: Philippine Star

             Muli na namang pinag-uusapan ang negosyante at sabungero na si Charlie “Atong” Ang. Hindi dahil may malaki siyang pusta o nanalo na naman sa sabong kundi may mga nakakita na naman na magkasama sila ni Gretchen Barretto. 

            Ayon sa ulat ng Pilipino Star, may nakakita diumano na naglalakad ang dalawa sa Dangwa na kilalang pamilihan ng local at imported na mga bulaklak. Gaya ng dati ay binigyan na naman ito ng malisya ng iba ang kanilang pagiging malapit sa isa’t isa. Ilang beses na rin kasing naibalita na nakita sina Atong at Grechen na magkasama sa airport, restaurant, mga party at iba pa.

            Nauna nang itinanggi ni Grechen na mayroon silang relasyon ni Atong. Nagkakasama sila diumano dahil mayroon sila ay mag-partner sa ilang negosyo. Dati na rin siyang ipinagtanggol ng kanyang kapatid na si Claudine Barretto. Ayon kay Claudine, wala namang masama na makipagkaibigan sa lalaki ang isang babae. Sinabi niya na si Atong  ay kaibigan ng kanilang pamilya. Kung mayroon man itong nakarelasyon sa kanila, ito ay ang anak ng kanilang kapatid na si Jay-Jay. Minsan na nga rin daw siyang nai-link kay Atong ng mga gumagawa ng intriga.

Source: Philippine Star, PEP

Tuesday

Pasahero na Nambugbog sa Grab Driver, Humingi na ng Tawad

                            

           Lumutang na si Jinno John Simon, ang itinuturong nambugbog sa Grab driver na si Armando Yabut.

            Sa ulat ng TV Patrol, naglakas-loob na lang diumano siyang lumabas kahit na maraming galit sa kanya. Sirang-sira na ang kanyang pangalan at ni hindi man lang siya makauwi ng apartment para kumuha ng damit. Marami kasing nagbabanta sa kanya.

            Ayon kay Simon, pinalabas raw ni Yabut na malinis ang kanyang intensyon sa pagsauli nito ng cellphone. Nagduda siya dahil ilang beses na niyang tinawagan ang naiwan niyang cellphone pero pinapatay ito ni Yabut. Kaya’t dito na niya naisipang tawagan ang costumer service ng Grab para makuha ang personal number ng driver.

            Nang makausap ni Simon si Yabut sa telepono, sinabi raw sa kanya na ‘di nito hinahawakan ang naiwang cellphone dahil mayroon siyang pasahero.

            Inamin ni Simon na mali ang ginawa niyang pananakit kay Yabut.  Humihingi siya ng tawag sa kanyang nagawa. Nadala lang daw siya ng kanyang emosyon.


            Pero kahit humingi na nga tawad si Simon, hindi ito tinatanggap ni Yabut. Desidido pa rin siyang kasuhan ito ng serious physical injury at madadagdagan pa ng oral defamation.

Panoorin ang video:

Babaeng umatake sa taga-MMDA, gutom lang daw kaya nag-beast mode

                       

            Kamakailan lang ay nag-viral ang isang babae kasama ang kanyang boyfriend dahil nag-beast mode ito matapos na sitahin ng mga taga-MMDA dahil sa wala itong suot na helmet. Pinaglagyan kasi nito ng ulam na sinigang at mechado ang helmet kaya’t ‘di niya isinuot.


            Sa ulat ng TV Patrol, tumangging magpaunlak ng panayam ang babaeng nasa viral video. Pero nagpaliwanag siya kung bakit siya nag-beast mode. Halos isang araw na raw siyang walang kain kaya’t naging mainit ang kanyang ulo. Humingi pa siya ng pasensya dahil sa kanyang inasal.


            Pero ‘di pa rin ligtas ang babae sa asunto na maaari niyang kaharapin dahil pinag-aaralan na ng MMDA legal department kung ano ang maaaring ikaso sa kanya pati na sa kanyang boyfriend. 

Panoorin ang video:

Monday

Mga Sumukong Drug User at Pusher, Pina-paddle ng Barangay Captain!

                     
     Kung inaakala n’yong sa mga fraternity lang ang gumagamit ng hazing o pagpa-paddle ay nagkakamali kayo. Mayroon din kasi nito sa Brgy. Balas, Lamitan, Basilan kung saan ang barangay captain dito ay gumagamit ng paddle para madisiplina ang mga sumuko na drug user at pusher.

Sa video na ipinalabas ng 24 Oras, makikita ang barangay captain na si Ibrahim Ballaho na hinahampas ng paddle ang mga sumukong drug user at pusher. Ang ilan sa kanila ay niyakap pa si kapitan matapos na mapalo.

Ito diumano ang kanilang paraan para madisiplina at ‘di na sila bumalik pa sa paggamit o pagbibenta ng iligal na droga.

Ayon kay Kap, pinag-usapan ng barangay at ng kanilang nasasakupan bago isigawa ang ganitong klase nang pagdidisiplina. Maliban sa paddling, pinaglilinis din nila ang mga ito sa komunidad.

May isang ina ng isa sa mga na-paddle ang nagpapasalamat kay Kap dahil tumigil na sa paggamit ng droga ang kanyang anak buhat nang ito ay mahampas. Mismong mga na-paddle ni Kap ay nagpapasalamat sa kanya dahil sa tulong nito para sila ay makapagbagong-buhay.

Sa kabilang banda, balak ng CHR na imbistigahan ang ginagawang pagdidisiplina ni Kap. Ayon kay Atty. Jack de Guia, spokeperson ng CHR, “Generally speaking, hindi natin nanaisin na gamitan ng any form of physical maltreatment ang kahit sinumang tao na nasa kostudiya ng ahente ng estado”.

Nirirespeto naman ni Kap ang desisyon ng CHR. Pero hinamon niya ang mga ito na pumunta sa kanilang lugar para makita ang epekto ng  ginagawa nilang pagdisiplina sa mga drug user at pusher.

Panoorin ang video:

Sunday

Grab Driver na Nagbalik ng Cellphone ng Pasahero Imbes na Pasalamatan, Binugbog pa!

                                         
            Hindi lahat nang pagmamagandang-loob ay nakabubuti. Minsan kasi imbes na pasalamatan ka ng taong pinagmagandahang loob mo ay masasamain pa ito. Ganito ang nangyari sa isang Grab driver na matapos isauli ang naiwan na cellphone ng kanyang pasahero ay binugbog pa ito.

            Sa post ng Grab driver na si Kiel Nigel Yabut na nag-viral sa Facebook, kinuwento niya na nag-pick up siya ng pasahero na nagngangalang Jinno Jhon P.  Simon bandang 12:21 AM  noong February 9. Nagpahatid ito sa kanya sa may Kamuning.

            Sinabi ni Yabut na naki-charge sa kanya si Simon, pero naiwan nito ang cellphone. Nakalayo na siya nang biglang nag-ring ang kanyang telepono. Tinawagan siya ni Simon at pinasusoli ang cellphone sa kanya. Pinababalik nito ang Grab driver sa Kamuning.

            Sinabi ng driver na sa umaga na lang niya isasauoli ang cellphone. Pero nagpumilit ang pasahero na emergency lang at kailangan na nito ang cellphone.


            Nangako diumano ang pasahero na sasagutin nito ang pang-gaas at pakakainin din ang Grab driver. Pagdating sa Kamuning biglang inatake ng pasahero ang driver dahil pinagbintangan ito na ninakaw ang kanyang cellphone. Dinala pa raw ang driver sa barangay hall at pilit pinaamin sa krimen na ‘di naman niya ginawa.

            Desido diumano ang Grab driver na dumulog sa korte para sampahan ng kaso ang pasaherong nambugbog sa kanya. 

            
             Sa kabilang banda, wala pang pahayag si Simon tungkol sa akusasyon ni Yabut. 

Panoorin ang video:

Saturday

WATCH: Mga Batang Ginagaya ang Dragon Dance, Patok sa Mga Netizen!


      Chinese New Year kaya makakakita tayo ng dragon dance kung saan-saan. Hindi lang naman ang mga kapatid nating Intsik o Tsinoy ang nagdiriwang kundi pati na rin ang mga wala namang dugong Intsik ay nakikisaya rin.

      Kung gusto mong makakita ng nagda-dragon dance, hindi mo na kailangan pang pumunta ng Chinatown. Baka makasalubong mo ang mga bata na ginagaya ang dragon dance kapalit ng pera. Pero sila walang ka-effort-effort sa costume at pantugtog. Simple lang kasi ang style nila.




       Viral ngayon sa social media ang mga bata na nag-iikut-ikot at nagda-dragon dance kapalit ng pera. Na-videohan sila ng netizen na nagngangalang Ryan Blanco. Makikita sa video na timba ng pintura ang ginawa nilang drum habang ang isa naman ay may suot na tray na binalutan ng plastic sa ulo. Ang huli na ang pinaka-dragon na sumasayaw sa saliw  ng tugtog na nagmumula sa timba.

      Maraming netizen ang natuwa sa ginawa ng mga batang ito dahil sa kanilang pagiging madiskarte o malikhain. Mantakin mo ba naman na sa munti nilang paraan ay nakapag-dragon dance na sila at todo bigay pa sa kanilang performance!

Panoorin ang video:
Loading...